Relacioni Prizren

Federata Shqiptare Taekwondo (WTF) mori pjese ne  Takimin e 2-te te perbashket te institucioneve sportive te organizuar nga Komiteti Olimpik Kombëtar Shqiptar (KOKSH) dhe Komiteti Olimpik i Kosovës (KOK),  në datën 7 Dhjetor 2013 me pjesëmarrjen e përfaqësuesve të anëtarëve të bordeve ekzekutive të Komiteteve Olimpike respektive, Federatave Sportive Olimpike shqiptare dhe ato kosovare, si dhe Drejtoritë e Sportit pranë Ministrive përkatëse.

Fjalën hapëse të takimit e bëri z. Besim Hasani, President i Komitetit Olimpik të Kosovës(KOK) i cili përshëndeti të ftuarit në takim dhe theksoi rëndësinë e këtij takimi të përbashkët.

Më pas përshëndeti takimin dhe pjesëmarrësit z. Viron Bezhani, President i Komitetit Olimpik Kombëtar Shqiptar (KOKSH. Në vijim përshëndetën takimin edhe përfaqësuesit e Ministrive të Sportit, z. Islam Kosumi, Drejtor i Sportit në Ministrinë e Kulturës Rinisë dhe Sporteve (Kosovë) dhe z. Vladimir Gjonaj, Drejtor i Sportit të Ministrinë e Arsimit dhe Spoteve (Shqipëri).

Më pas, takimi vijoni me diskutime të ndryshme nga pjesëmarrësit duke vlerësuar bashkëpunimin që ekziston midis federatave sportive,  ku perfaqesuesit e Federates Shqiptare Taekwondo World, z. Arben Markaj (Sekretar i Pergjithshem) dhe z. Leo Kapri (zv/President) njohen te pranishmit me projektet e bashkepunimit te Federates Shqiptare Taekwondo dhe Federates Taekwondo te Kosoves.

Pas ketij relatimi nga drejtuesit me te larte te Komiteteve Olimpike, z. Besim Hasani, President i KOK dhe z. Viron Bezhani President i KOKSH, i akordojne perfaqesuesit te Federates Taekwondo te Kosoves, z. Lulzim Gashi dy Certifikata Nderkombetare per pjesemarresit kosovare qe ishin pjese e “Kursit Teknik per Trajnere” qe organizoi Federata Shqiptare Taekwondo ne bashkepunim me KOKSH dhe financim te Solidaritetit Olimpik Nderkombetar.

     

Në fund të takimit, Presidentët e Komiteteve Olimpike z. Bezhani dhe z. Hasani, bënë përmbledhtasi konkluzionet e këtij takimi dhe vendosën që vitin tjetër, në muajin Tetor ose Nëntor të organizohet aktiviteti tjetër, i cili përcakton edhe kthimin në traditë të përvitshme organizimin e këtij takimi. Gjithashtu një takim i përbashkët do të zhvillohet edhe në nivel Ministrish dhe Komiteteve Olimpike për të koordinuar politika dhe aktivitete të përbashkëta.

 

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Leave a Reply

Close Menu